Elçin Əzimli Biznes təlimçi, Associate Certified Coach

İstanbul Universitetinin Politologiya fakultəsindən məzun olmuşdur. Hal-hazırda Azərsun Holdinqin Təlim və inkişaf şöbəsinə rəhbərlik edir, eyni zamanda bu qurumun peşəkar kouçu və liderlik mövzuları üzrə təlimçisidir.

Elçin Əzimli Azərbaycanın Beynəlxalq Kouç Federasiyası tərəfindən sertifikatlaşdırılmış ilk kouçlarından biridir, bu təşkilat tərəfindən Associate Certified Coach ünvanı almışdır.

Kanada mərkəzli Adler kouçinq məktəbinin ACTP proqramından məzun olmuşdur və bu məktəb tərəfindən Adler Certified Professional Coach ünvanına layiq görülmüşdür.

Elçin Əzimli Emosional intellekt üzrə mütəxəssisdir. Bu mövzu üzrə dünyanın tanınmış qurumlarından sayılan Six Seconds təşkilatının xüsusi proqramında iştirak etmişdir.

Kouçinq və Liderlik mövzularına həsr olunmuş coaching.az portalının baş redaktorudur.

Elçin Əzimlinin şəxsi inkişaf mövzularına həsr olunmuş “Dan ulduzu” adlı romanı TEAS Press nəşriyyatı tərəfindən 2019-cu ildə nəşr olunmuşdur.